Náttúruskóli Reykjavíkur er þriggja ára þróunar- og samstarfsverkefni Umhverfis- og samgöngusviðs Reykjavíkur, Menntasviðs Reykjavíkur, Leikskólasviðs Reykjavíkur, Skógræktarfélags Reykjavíkur og Landverndar.  Verkefnið hófst í ágúst 2005.

Markmið

• Að efla útikennslu í grunn- og leikskólum borgarinnar.
• Að skapa vettvang fyrir heilsteypt umhverfisstarf í skólum í anda umhverfisstefnu borgarinnar.

Leiðir

• Náttúruskólinn er miðstöð þekkingar og upplýsinga um útinám og umhverfismennt.

• Náttúruskólinn veitir aðstoð og ráðgjöf við skipulagningu og aðlögun útináms að þörfum skóla.

• Náttúruskólinn styður kennara við að byggja upp útikennslu.

• Náttúruskólinn tengir saman aðila sem standa að útikennslu og fræðslu á vettvangi og hefur frumkvæði að samstarfi um útinám.

• Náttúruskólinn aðstoðar við framsetningu fræðsluefnis og kemur fræðslutilboðum á framfæri við skóla.

• Náttúruskólinn býður upp á dagskrá sem kennurum og nemendum stendur til boða.

Hugmyndin að baki Náttúruskólanum er ekki ný og undirbúningur að stofnun skólans stóð yfir í þrjú ár.

Upplýsingar um verkefnisstjórn